V Foro Empresarial pola Igualdade

Mulleres que transforman

Este encontro, que xa se consolidou como unha cita de referencia no ámbito empresarial galego, nace co propósito de recoñecer, visibilizar e poñer en valor o papel transformador das mulleres no tecido económico e social de Galicia. A través deste foro, búscase crear un espazo de reflexión, intercambio de experiencias e aprendizaxe, arredor do liderado feminino e da promoción da igualdade real de oportunidades no eido empresarial.

Nesta quinta edición, poñemos o foco nas mulleres que lideran a innovación, que impulsan a creatividade e que promoven modelos de negocio sostibles e con impacto social.

Tres mesas temáticas que permitirán escoitar voces diversas e referentes que, desde diferentes sectores estratéxicos, contribúen a construír unha Galicia máis igualitaria, inclusiva e competitiva.

Con este foro, a CEP reafirma o seu compromiso coa igualdade de xénero como motor de transformación e crecemento para as empresas e para o conxunto da sociedade galega.