PROXECTAR 26, Conversas sobre Deseño

Proxectar é un espazo de conversa onde deseñadoras e deseñadores presentan as súas carreiras e as súas metodoloxías de traballo. Un espazo para mostrar o traballo detrás dun produto final.

Dous días nos que escoitar e conversar en primeira persoa con referentes galegos e internacionais do deseño. David Chipperfield, Sara Regal, Isabella Trani e Isaac Piñeiro cóntannos de primeira man o seu proceso de deseño, con exemplos claros e detallados. Unha oportunidade de poder discutir e aprender sobre a profesión de proxectar.